Wèlkòm! Mi nòmber ta..
...Flavina Wanga i mi ta doño di e empresa yamá Crab Social, kual ta un kompania ku fo'i aña 2015 ta hasi merkadeo riba medio sosial pa otro kompanianan. Banda di hasi merkadeo pa negoshinan riba medio sosial i trein otro empresario kon nan mes por hasi e merkadeo menshoná, mi ta usuario tambe di plataformanan di medio sosial manera Facebook, Instagram, TikTok i Snapchat. Siendo usuario mi a bin tuma nota kon negativismo den forma di idioma bulgar, kontenido agresivo, tentamentu etcetera a kuminsá reina riba e plataformanan. Debí na mi pashon pa medio sosial i mirando ku mi ta mama di un pre-tiner hòmber mi mes tambe, mi a tuma e desishon pa yuda trese mas konsientisashon riba uso sano dor di tur persona, en espesial nos (pre)tinernan, di e plataformanan.
Esaki a resultá den kreashon di e proyekto yamá 'Konsiente' na aña 2017/2018. E mundu digital tei pa keda i ta un realidat ku pa bon ku medio sosial ta, e tin algun peliger ku TUR usuario, chikí i grandi, por enkontrá na momentu ku nan ta hasi uso di dje.
Nos tur sa kon regular nos muchanan ta usa nan telefòn òf tabletnan – pues mas mihó nos komo mayor, dosente i profeshonal den edukashon eduká nos mes riba e uso sano di medio sosial, mas mihó nos por guia nos (pre)tinernan pa nan keda seif i sa kon pa aktua den e mundu digital.
“BAN HUNTU PA UN USO KONSIENTE I POSITIVO DI MEDIO SOSIAL”
Tokante e kurso digital di Mayor i Edukador Konsiente
Tin hopi kambio ta tuma lugá den e mundo digital diariamente i medio sosial ta hunga un ròl importante den bida di kasi tur hóben.
Banda di e echo ku nan amigu/a kisas ta usa e plataformanan i nan tambe ke eksplorá pa nan mes kon nan ta, skolnan tambe ta duna mas i mas tarea digital. Esaki ta pone aun mas énfasis riba e importansia pa nan sa kon pa usa tantu e mundu digital en general, komo e plataformanan di medio sosial na un manera responsabel, sano i seif.
P'e motibu aki, ta super importante pa nos komo mayor, dosente i profeshonal den edukashon tin e konosementu profundo, ekstenso i apropiá, p'asina yuda guianan den nan uso di medio sosial.
Den e kurso digital di Mayor i Edukador Konsiente, nos ta trata e siguiente temanan:
- Statéstikanan di uso di medio sosial bou di nos pretiner i tinernan na Kòrsou;
- Posibel peligernan ku por presentá, manera Sexting, Cyberbullying, Grooming, Online Video Games, Identity Theft, Catfishing i hopi mas, na momentu ku ta usa medio sosial;
- Numeroso plataformanan di medio sosial ku nos hóbennan ta usa;
- Kon pa konfigurá e plataforma di Facebook pa uso seif,
- Kon pa konfigurá e plataforma di Instagram pa uso seif,
- Tepnan práktiko pa guia nos (pre)tinernan mas fásil den nan uso di medio soial.
E kurso digital di Mayor i Edukador Konsiente ta pa tur mayor ku ta deseá di amplia nan konosementu pa ku e plataformanan di medio sosial p'asina nan por guia nan yu(nan) aun mas mihó den nan uso di esaki. E kurso ta apropiá pa dosentenan i profeshonalnan den edukashon ku tambe ta hañanan konfrontá ku reto ku ta resultá na momentu ku nan ta guia hóbennan i esakinan ta hasi uso di medio sosial.
Kumpra e kurso digital Mayor i Edukador Konsiente i keda ku akseso na dje pa 6 luna durante kua, den bo propio tempu, ku trankilidat i den konfortabilidat di e espasio ku abo skohe, bo por pasa dor di e kurso pa siña tur informashon, apliká i praktiká ku e konosementu atkerí i bolbe ripití esaki na momentu ku ta nesesario.
Kuríkulo di e kurso digital di
Mayor i Edukador Konsiente
Término i Kondishonnan ta aplikabel!
Na momentu ku bo kumpra i registrá pa e kurso digital di Konsiente, lo bo mester kumpli ku un proseso di aseptashon, indikando ku bo ta di akuerdo ku e término i kondishonnan di e kurso digital di Konsiente. Esaki ta un paso importante pa bo por haña akseso na kurso kompletu. E propósito di e proseso aki ta pa sigurá ku komo partisipante bo a lesa, kompronde i ta komprometé na término i kondishonnan aki.
Bo no ta kla pa kumpra ainda?
No ta nada! Chèk e rekursonan GRATIS ku nos tin pa yudabo guia bo pretiner òf tiner riba su uso konsiente di medio sosial.
Spesial pa yuda tur adulto ku ta enfrentá òf hustamente ke evitá posibel retonan, den guia su muchanan den nan uso di medio sosial, nos a prepará un regalo ku hopi amor pa boso: un kontrato entre mayor i yu pa ku uso di medio sosial! E kontrato akí ta dunabo kondishonnan ku bo por usa komo guia ku bo yunan ora nan ta hasi uso di medio sosial. Tambe e ta inkluí reglanan pa e oranan di uso, kua tipo di kontenido por publiká ("post"), plataformanan ku nan por usa, kon pa protehá nan mes kontra "Cyberbullying" i hopi mas.
E grupo di Facebook di Konsiente ta un komunidat privá, kaminda mayornan, dosentenan i profeshonalnan den edukashon por bin huntu pa interkambiá ideanan, pensamentunan i eksperensianan tokante e uso di medio sosial di nan pretiner i tinernan. Den e grupo akí, lo bo haña tepnan útil, rekursonan i artíkulonan pa yuda bo komprondé i enfrentá e retonan ku medio sosial por trese, den bida di bo yunan i studiantenan. Tambe, bo tin e oportunidat pa hasi pregunta i papia ku otro mayornan, dosentenan i profeshonalnan den edukashon ku ta enfrentá mesun situashon, kompartí eksperensia i siña for di otro.